xoves 25 xuño 2015

CARANGUEXO FILMS - proxecto audiovisual as BARXAS

O proxecto audiovisual as BARXAS ao que os meus alumn@s bautizaron este curso co nome de "Caranguexo films"ten xa a súa propia páxina web, onde poderemos ver non só as oito curtametraxes deste ano, tamén conta co blog ou diario de bitácoras d@s alumn@s e as súas impresións do rodaxe, o video do festival, un making of e fotos da experiencia.

  http://luzbelos.wix.com/caranguexo-films







martes 16 xuño 2015

"PEONZA DE ORO" PARA EDUCORTOS, IX PREMIO ESPIRAL EDUBLOGS

Este sábado 13 de Xuño celebrouse a entrega de premios de ESPIRAL EDUBLOGS en Medialab-Prado, Madrid, tivemos a sorte de poder escoitar o emocionante relatorio de Jaume Josa Fenés "Profe, tu cliente no te entiende. La comunicación en el colé” 
,http://www.laescuelacoach.com , escoitalo e reafirmarnos unha vez máis  que outra educación é posible.
Emocionante desvirtualización de Ana Municio, incansable, admirable e marabillosa.

Este Blog presentouse na categoría de Mestres e Profesores:fun a última en saír, os nervios e o agradecemento mesturábanse a partes iguais, alí xunto aos meus dous compañeiros premiados nesta categoría (Sen) Lingua buxaina de prata e SGAguilar Javier Ramos buxaina de bronce e emocionada polas súas intensas palabras, non me esperaba recibir a buxaina de ouro.
Co premio nas mans só puiden agradecer á organización o seu fermoso e enorme traballo, acordarme dos meus alumn@s, que son o motor do blog, deles, que son motivación en estado puro é esta buxaina, acordarme dos meus compañeiros 09, que son a miña inspiración, compañeiros que traballan e comparten recursos de forma desinteresada e gratuíta, compañeiros que a pesar dunha reforma educativa que despreza a educación plástica non perden as ganas de loitar por que #ElArteImporta.
Acordarme da miña compañeiraJose Soto que me acompañaba na entrega de premios e que me acompaña cada día na aula, nos proxectos,as ilusións e na amizade, un anaquiño desa buxaina é dela e de Juan Sicilia, co que comparto o recurso FRAME BY FRAME,del é outro anaquiño de buxaina por todo o tempo que este blog lle quita.

O meu parabén a todos os premiados e a todos os finalistas.








FOTO Inevery Crea
FOTO Inevery Crea



Con Barxilón , Ana Municio e M Jose Soto



A BUXAINA CHEGOU AOS MEUS ALUMN@S






xoves 11 xuño 2015

V FESTIVAL AUDIOVISUAL AS BARXAS

Como dende hai cinco anos o IES ÁS BARXAS PROXECTA o SEU FESTIVAL AUDIOVISUAL, un festival que nace do traballo e o esforzo dos alumn@s de Educación Plástica, onde contaron co apoio  de pais ,chegando a ser estes actores dirixidos polos seus propios fillos, contaron coa colaboración de profesores, compañeiros, tendas do pobo, do Creativo Rialdarca e o centro de saúde de Moaña.

O proxecto desenvólvese durante o segundo trimestre, necesita de moitas horas de traballo extra fora de horas de clase, este nace coa escritura dun guión, onde os alumn@s aprenden cal é a súa estrutura, teñen en conta todos os detalles necesarios para traballar no momento de filmar, así como un guión gráfico onde ilustrarán cada escena, aprenden a usar as cámaras, programas de edición, de retoque fotográfico, ou de animación 2D, incluído a difusión en REDE (blog, conta you tube ,vimeo, Facebook..)


Os alumn@s desenvolven destrezas onde se traballan distintas competencias, dende a comunicación audiovisual, a artística, lingüística, a autonomía, aprender a aprender, eles analizan e reflexionan sobre as mensaxes audiovisuais, coñecen os seus códigos e son capaces de utilizalos. En definitiva é un proxecto en equipo, onde a coordinación, e o esforzo colectivo se centra nun obxectivo común, comunicar.


As curtas presentadas este ano son 8:


- Ao final da botella: Dirixido por Roi ,alumno de Bacharelato, partindo dun guión de Rosa Mª Diaz Beloso( enfermeira da unidade de agudos no Meixoeiro), un proxecto que nace da curta "Maldito espello" onde a saúde e a educación se unen para traballar xuntas.


- "O fantasma do maltrato": Curto realizado polos alumn@s de 3o ESO, dentro do proxecto "EDUCABARRIÉ", " Un artista na escola”.

Simón Vazquez (PREMIO MESTRE MATEO)artista co que traballamos neste proxecto, nos guía na aventura de rodar unha curta en apenas unha hora.

- "O tarro": Un remake dun dos primeiros traballos de Tim Burton, presentado por Hitchcock, un relato sobre o complicado mundo do mercado da ARTE.

- "A muller lamprea V": Un novo capítulo da serie comezada hai cinco anos coa compañeira Iria Collazo, que promete revolucionar as conciencias e cambiar o "ciclo da vida, un auténtico remuíño violeta.

- "A muller que amaba ás árbores":  Unha historia sobre a arte e a muller dirixida por Xavier, un traballo que conta coa colaboración e o noso agradecemento de "CREATIVO RIALDARCA"

-"Xiana e a Ra": Un conto diferente sobre ras, príncipes e finais felices.

- "De que cor é o bulling": Unha curta necesaria onde os meus alumno@s reflicten un problema por desgracia de actualidade.

-"Forest":Un relato que nace nunha clase de lingua do ano pasado materialízase neste curso da man dos alumnos de 4ª ESO D

Dende a etapa de produción á posproducción incluída a etapa de difundir e compartir os seus curtos entran dentro do traballo realizado polo alumnado, este proxecto estrearase para todo aquel que queira vir este mércores 17 de Xuño ás 18:00 no salón de actos do IES ás Barxas. 

CARTEIS









RODANDO 




  FOTOGRAMAS

O FANTASMA DO MALTRATO



O TARRO


xoves 04 xuño 2015

PREMIO OLLOBOI ANIMADO

Estes días case non teño tempo para actualizar o blog, estamos en obras, preparándoo todo para o noso festival audiovisual que como dende fai xa cinco anos vimos celebrando no IES ás Barxas, pero esta noticia ben merece unha entrada, un recoñecemento que nos dá novas forzas para seguir traballando con ilusión e entusiasmo, acabamos de gañar o OLLOBOI ANIMACIÓN por este video realizado polos alumnos de 2º de BACHARELATO de debuxo artístico.
Prabéns nenos¡¡, e mil grazas á organización polo traballo realizado , como sempre excepcional.
Olloboi un festival audiovisual escolar que é un referente en Galicia.
http://leliadoura.com.es/olloboi/ganadores.php


A xustiza pola man - Rosalía de Castro from EduPlástica- Luz Beloso on Vimeo.

martes 19 maio 2015

SOMOS GAÑADORES DO IX PREMIO ESPIRAL EDUBLOGS

EDUCORTOS recibiu un premio na categoría de blogs de profesores e profesoras no  prestixioso concurso  ESPIRAL EDUBLOGS.


Os Premios Edublogs están abertos a toda a comunidade educativa onde dende fai anos ( estamos xa no IX Premio ), presentanse miles de blogs de toda España.
                          http://espiraledublogs.org/comunidad/Edublogs/premio
  • Este premio valora a importancia e repercusión dos blogs na educación, como ferramenta didáctica para o desenvolvemento de contidos curriculares e motivación dos alumnos.
  • Recoñece o traballo de moitos profesores e profesoras na rede demostrando a súa utilidade pedagóxica.
  • É un escaparate motivador dunha corrente educativa dentro da blogosfera, que axuda á xeneralización do uso das TIC na aula.
  • Ofrece unha selección de boas prácticas que animan a iniciar ou consolidar o uso nos blogs en ámbitos educativos, aprendendo de experiencias de éxito.

Mil Grazas ao equipo de ESPIRAL EDUBLOGS polo seu recoñecemento e polo seu traballo, traballo que ano tras ano  vainos motivando a miles de docentes, alumnos e a comunidade educativa.
O 13 de xuño saberemos de que buxaina se trata: ouro, prata ou bronce. 
PARABÉNS aos compañeiros GAÑADORES, vémonos en MediaLab Prado, Madrid.



Estes nen@s son o motor do BLOG, eles son os gañadores, os meus alumn@s que ano tras ano motivan a un coa súa ilusión, o seu cariño, compartindo soños  e traballo nesta pequena aula de plástica do IES as Barxas situada no MORRAZO, GALIZA.



   Como diría a miña compañeira Henar Moros, finalista deste premio co seu blog http://henarte.blogspot.com.es 

              "EU SI CREO QUE A ARTE PODE CAMBIAR O MUNDO"

domingo 10 maio 2015

REMUIÑO VIOLETA NAS BARXAS

Este curso imos a celebrar o 17 de maio co noso recén nacido "remuíño violeta ", un remuíño de ideas creativas que crecen no IES ás Barxas, un remuíño que empeza a xirar e non pensa parar mentres non exista unha conciencia na igualdade de oportunidades, queremos abrir camiños e novas formas de mirar.

Por iso nós celebramos este día con Begoña Caamaño, "porque si, porque nos gusta, porque nos peta , porque nos  sae de dentro, alá do fondo ", nos sae da alma, 
e celebrámolo  con este fermoso ALALÁ de despedida de Uxia Senlle para a súa querida  amiga, que grazas á petición de Iria Collazo, cedeunos para realizar esta animación.
Esperamos que vos guste.

Os artistas da animación para conmemorar o evento son os meus alumn@s de 3º ESO e debuxo de BACH .


Animación rotoscopia: Alumn@s 3º ESO


Animación 2D: ilustracións debuxo artístico Bacharelato.


Aquí deixo este cartel realizado para estrear a animación o 15 de maio no noso centro, con texto tamén de Iria.



ALALÁ DAS MARIÑAS. UXÍA. from EduPlástica- Luz Beloso on Vimeo.
ALALÁ DAS MARIÑAS. UXÍA. CD MEU CANTO. FolMúsica 2011
Animación rotoscopia: Alumnos 3º ESO
Animación 2D: ilustracións debuxo artístico Bacharelato



OBRADOIRO DE PLÁSTICA AS BARXAS

EDUCORTOS FINALISTA NO IX PREMIO ESPIRAL EDUBLOGS (2015)

Decateime  estés días polo https://twitter.com/edublogsespiral que o blog EDUCORTOS quedou Finalista no  IX Premio Espiral Edublogs (2015), na categoría de Blogs de mestres e Profesores. Un orgullo quedar xunto á compañeira de educación plástica  Henar Moros co seu BLOG HenArte & TIC´s #AArteImporta compañeira.
Este recoñecemento píllanos enredados co noso proxecto audiovisual CARANGUEXO FILMS, un proxecto no que os  alumnos dirixen, filman, editan, son produtores, actores, directores e elaboran os seus propios guións, seguiremos traballando, pero agora con máis forza que nunca, moitas  grazas polo recoñecemento .
Déixovos momentos do noso día a día ,intentando  que  a estrea do noso V festival audiovisual no IES as Barxas  
sexa unha realidade.

domingo 26 abril 2015

+ARTE CON FRANK GEHRY

Este vídeo realizado polas miñas alumnas de debuxo artístico acaba de recibir unha Mención especial pola Fundación princesa de Asturias pola súa calidade e a súa estética, quedando finalistas en segundo lugar na categoría de Bacharelato #ElArteImporta

GRAZAS  A "Morrazo al Día"  polo seu fermoso e completo artigo http://morrazoaldia.com/gl/la-fundacion-princesa-de-asturias-elogia-la-calidad-audiovisual-de-moana/




FRANK GEHRY from EduPlástica- Luz Beloso on Vimeo.
Alumnas de debuxo artístico
Nuria Souto
Maria Piñeiro
Jessica Miranda
Música : Josh Woodward , web Jamendo
profesor :Luz Beloso
Mención especial por la Fundación princesa de Asturias por su calidad y su estética, quedando finalistas en segundo lugar en la categoría de Bachillerato, http://www.fpa.es/concurso/acta-del-jurado/

CURTAMETRAXE EXPRESS. UNHA DE ZOMBIES


Proxecto educaBarrié "Un artista na escola"

CURTAMETRAXE EXPRESS: Planificar e rodar unha curtametraxe nunhas poucas horas.
Os alumn@s de 3ºESO rodaron a curta nunha hora co método multicámara que lles ensinou Simón, tratábase de crear unha historia dun minuto que ao final foron catro.

Despois da marcha de Simón Vázquez tocábanos editar  e isto é o que se lle ocorreu aos meus alumn@s de 3º ESO na   súa primeira curtametraxe.

 Quizais algún dos nosos artistas  siga o camiño de Simón.

RODAR UNHA CURTAMETRAXE NUN TEMPO LIMITADO

PROXECTO: UN ARTISTA NA ESCOLA, EDUCABARRIÉ

ARTISTA :SIMÓN VÁZQUEZ


Este vídeo é un resumo da experiencia realizada con Simón aplicada a 3º da ESO, contén dende a "máster class", entrevista a Simón e a selección de guións. 

Todo o proceso de rodar a nosa "curta express" pódese ver en apenas 30 minutos, paga a pena escoitalo, estes dous días os alumn@s e a profesora  aprenderon MOITO.


Máster Class impartida por Simón Vázquez




Related Posts Plugin for WordPress, Blogger...